काठमाडौं। स्वास्थ्य तथा जनसंख्या मन्त्री प्रदिप पौडेल स्वास्थ्य उपचारपछि वीर अस्पतालबाट डिस्चार्ज भएका छन।
गत शनिबार अत्यधिक ज्वरो आएपछि वीर अस्पताल पुगेका मन्त्री पौडेललाई अस्पतालको भीआइपी क्याबिनमा भर्ना गरेर उपचार सुरु गरिएको थियो। मन्त्री पौडेल उपचार पश्चात् शुक्रबार साँझ डिस्चार्ज भएको वीर अस्पतालले जनाएको छ।
उनको उपचारका लागि वीर अस्पतालका निर्देशक डा दिलिप पौडेलको नेतृत्वमा विज्ञ चिकित्सकको समूह नै खटेका थिए।
मन्त्री पौडेलको सचिवालयले मन्त्री डिस्चार्ज भएपछि स्वास्थ्य लाभको कामना गर्ने सम्पूर्णमा धन्यवाद ब्यक्त गरेको छ।
