काठमाडौं। तारकेश्वर नगरपालिकामा बृहत निःशुल्क आयुर्वेद स्वास्थ्य शिविर सप्पन्न भएको छ।
अन्तरराष्ट्रिय योग दिवसको अवसर पारेर तारकेश्वर नगरपालिका स्वास्थ्य शाखा र नागरिक आरोग्य केन्द्रको आयोजनामा शहरी स्वास्थ्य केन्द्र-९, मनमैजुमा बृहत निःशुल्क आयुर्वेद स्वास्थ्य शिविर आयोजना गरिएको हो।
आयुर्वेद स्वास्थ्य उपचार सेवाप्रति सर्वसाधारणको आकर्षण बढाउन सञ्चालन गरिएको शिविरमा २६१ जना विभिन्न रोगका बिरामीलाई सेवा प्रदान गरिएको तारकेश्वर नगरपालिका स्वास्थ्य शाखाले जनाएको छ।
