काठमाडौं। नेकपा एमालेका नेता तथा पूर्वमन्त्री लालबाबु पण्डितलाई पत्नी शोक परेको छ।
करिब डेढ वर्षदेखि मायसाइटिस भन्ने रोगबाट ग्रसित पूर्वमन्त्री पण्डितकि पत्नी बिमला महतको गएराति उपचारकै क्रममा निधन भएको हो। राति पौने एक बजे पत्नीको निधन भएको पण्डितले जानकारी दिए।
उनको जन्म २०२२ साल असोज २ गते ललितपुरमा भएको थियो। नेकपा एमालेको बल्खुस्थित तत्कालीन पार्टी कार्यालयमा उनीहरुबीच जनवादी विवाह भएको थियो।
