काठमाडौं। धुलिखेल अस्पताल ट्रमा तथा आपतकालीन केन्द्र सुधार परियोजनाका लागि नेपाल र जापान सरकारका प्रतिनिधिबीच सहमति पत्रमा हस्ताक्षर भएको छ।
शुक्रबार जापानले नेपाली ५ अर्ब ३८ करोड ६२ लाख रुपैयाँ (५७ करोड ३० लाख येन) थप अनुदान दिने सम्बन्धि सहमति पत्रमा दुबै पक्ष बीचमा हस्ताक्षर भएको हो।
नेपाल सरकारका उपप्रधानमन्त्री एवं अर्थमन्त्री विष्णुप्रसाद पौडेल र जापानका परराष्ट्र मामिलाका उपमन्त्री इकुइना अकिकोको उपस्थितिमा अर्थ मन्त्रालयका सचिव घनश्याम उपाध्याय र नेपालका लागि जापानका राजदूत माएडा तोरुले सहमतिपत्रमा हस्ताक्षर गरेका हुन।
यसअघि अक्टोबर २०२३ मा जापान सरकारसँग सो परियोजना कार्यान्वयन गर्न ३ अर्ब २९ करोड ६० लाख येन अनुदान दिने सम्बन्धि सम्झौता भएको थियो।
