काठमाडौं। अख्तियार दुरुपयोग अनुसन्धान आयोगले सघन सहरी तथा भवन निर्माण आयोजनाका इन्जिनियर सन्तोषकुमार यादवलाई ५ लाख ७० हजार घुससहित पक्राउ गरेको छ।
महोत्तरीको भंगहा नगरपालिका–२ घर भई भक्तपुरको मध्यपुर ठिमी नगरपालिका–१ लोकन्थली बस्ने ४२ वर्षीय यादवलाई प्रहरीले बिहीबार घुससहित पक्राउ गरेको हो।
भक्तपुरको मध्यपुर ठिमीमा रहेको एक रेस्टुरेन्टबाट उनलाई घुससहित पक्राउ गरिएको प्रहरीले जनाएको छ। सो रेस्टुरेन्टमा यादवले खोटाङमा निर्माणाधीन सडकको रनिङ बिल भुक्तानीका लागि दबाब दिइरहेका थिए। सो क्रममा प्रहरीले उनलाई घुस रकम लिंदै गर्दा पक्राउ गरेको हो।
