काठमाडौं । प्रधानमन्त्री केपी शर्मा ओली कानुन मन्त्री र मुख्यसचिव लिएर राष्ट्रपति रामचन्द्र पौडलसँग भेट गर्न शीतल निवास पुगेका छन।
प्रधानमन्त्री ओली शुक्रबार सांझ कानुन न्याय तथा संसदीय मामिलामन्त्री अजयकुमार चौरसिया, नेपाल सरकारका मुख्यसचिव एकनारायण अर्याललगायतलाई साथमा लिएर शीतल निवास पुगेका हुन।
भेटमा मुलुकको समसामयिक विषयमा छलफल भएको प्रधानमन्त्रीको सचिवालयले जनाएको छ। तर भेटलाई अर्थपूर्ण रुपमा हेरिएको छ।
पछिल्लो समय प्रधानमन्त्रीले संविधान संसोधनका विषयमा दिएको अभिव्यक्ति पछि राजनीतिक वृत्तमा विभिन्न शंका आशंका हुँदै गर्दा भेट भएकाले पनि अर्थपूर्ण रुपमा हेरिएको हो।
तर प्रधानमन्त्रीको सचिवालय भने रास्ट्रपति र प्रधानमन्त्रीका बिचमा नियमित भेट हुने गरेको सन्दर्भमा भेट भएको र समसामयिक विषयमा छलफल भएको बताउँछ।
