काठमाडौं। स्थानीय तह उपनिर्वाचमा सर्वाधिक चासोका साथ हेरिएको काठमाडौँको कीर्तिपुर नगरपालिकामा नेपाली कांग्रेसका उम्मेदवार निर्वाचित बनेका छन।
कीर्तिपुर नगरपालिकाको प्रमुखमा कांग्रेसका उम्मेदवार कृष्णमान डंगोल ५ हजार ३३४ मत ल्याए विजयी भएका हुन्।
यस्तै माओवादी केन्द्रका उम्मेदवार शिवशरण महर्जनले ४ हजार ५५५ मत ल्याए भने एमालेका उम्मेदवार सुरेन्द्र मानन्धरले ४ हजार ३३७ मत ल्याएका छन।
स्वतन्त्र उम्मेदवार राजमान महर्जन भने चौथो स्थानमा रहँदै २ हजार ३६ मत प्राप्त गरेका छन। उनलाई हर्क साम्पाङको समर्थन थियो।
यसअघि ०७९ मा भएको स्थानीय तह निर्वाचनमा पनि कीर्तिपुरमा कांग्रेसले नै जितेको थियो। त्यतिबेला कांग्रेस उम्मेदवार राजकुमार नकर्मीले ९ हजार ४३ मत ल्याएका थिए।
