काठमाडौँ। नेपाली कांग्रेसको तत्कालीन संस्थापन पक्षमा रहेका नेताहरू केन्द्रीय कार्यसमिति बैठकका लागि धमाधम सानेपा पुग्न थालेका छन्।
देउवा सभापति रहँदा उनकै विश्वास पात्र रहेका नेता मीन विश्वकर्मा कांग्रेस केन्द्रीय समिति बैठकका लागि सानेपा आइपुगेका छन्। उनी देउवाले मनोनित गरेका प्रचार विभाग प्रमुख समेत थिए।
यसैगरी तत्कालीन केन्द्रीय समितिमा रहेका नेता रामहरि खतिवडा पनि सानेपा आइपुगेका छन्। उनी कांग्रेसलाई सहमति र सहकार्यबाट मिलाएर लैजानु पर्ने पक्षमा उभिएका थिए।
यसैगरी केन्द्रीय कार्यसमिति बैठकका लागि विगतको केन्द्रीय समितिमा रहेका देउवा पक्षका नेताहरू डीना उपाध्याय, ज्ञानेन्द्र बहादुर कार्की, नैनसिंह महर, सीता गुरुङ, इन्द्र बानियाँ, गणेश लामा, सरस्वती तिवारी, राजिवविक्रम शाह लगायत पनि सानेपा आइपुगेका छन्।
कांग्रेस केन्द्रीय समितिको बैठक आज २ बजेका लागि बोलाइएको छ।
