काठमाडौँ। रसुवामा आएको भीषण बाढीपछि नेपाली सेनाको इमर्जेन्सी मेडिकल रेस्क्यु टिम (ईएमआरटी) प्रभावित क्षेत्रमा परिचालित भएको छ।
सेनाको टोली हेलिकप्टर मार्फत प्रभावित क्षेत्रतर्फ लागेको हो। नेपाली सेनाका प्रवक्ता तथा सहायक रथी राजाराम बस्नेतले सेनाको मेडिकल टोली एआई-१७ हेलिकप्टरमार्फत काठमाडौंबाट बाढी प्रभावित क्षेत्रतर्फ उडेको जानकारी दिए।
सैनिक प्रवक्ता बस्नेतका अनुसार सेनाको मेडिकल टिम प्रभावित हरुको उपचारमा खटिने छन्। सेनाको धुन्चे र त्रिशूलीबाट उद्धारको टोली पनि परिचालित भइसकेको छ।
यसअघि सेनाका अन्य दुई वटा हेलिकप्टर बाढी प्रभावित क्षेत्रका लागि खटिसकेका छन्। सेना, नेपाल प्रहरी र सशस्त्र प्रहरीलो टोली खोज तथा उद्धारका लागि खटिएको छ।
