काठमाडौं। सामाजिक संजालमार्फत अफवाह फैलाएको आरोपमा पक्राउ परेका दुर्गा प्रसाईंलाई प्रहरीले साइबर ब्युरो पुर्याएको छ।
प्रधानमन्त्री केपी शर्मा ओलीविरुद्ध सामाजिक संजालमार्फत भ्रामक प्रचार गरेको आरोपमा पक्राउ परेका प्रसाईंलाई प्रहरीले थप अनुसन्धानका लागि साइबर ब्यूरो भोटाहिटी पठाइएको सीआईबीका प्रवक्ता होबिन्द्र बोगटीले जानकारी दिए।
प्रहरीले उनलाई विद्युतीय कारोबार ऐन २०६३ अन्तर्गतको कसुरमा अनुसन्धान गरिने जनाएको छ।
प्रसाईंलाई सीआइबीले मंगलबार उनको भक्तपुर निकोसेरास्थित निवासबाटै पक्राउ गरेको थियो। त्यसलगत्तै प्रहरीले प्रसाईंलाई स्वास्थ्य परिक्षणका लागि वीर अस्पताल पुर्याएको थियो। प्रसाईंले कीर्ते कागज बनाएर प्रधानमन्त्री ओलीमाथि गम्भीर आरोप लगाएका छन।
