काठमाडौं। नेपाल प्रहरीका प्राविधिकतर्फका तीन जना एसएसपी डीआईजीमा बढुवाका लागि सिफारिस भएका छन।
गृह मन्त्रालय अन्तर्गत रहेको बढुवा सिफारिस समितिको आइतबार बसेको बैठकले तीन जना प्राविधितर्फका एसएसपीलाई डीआईजीमा बढुवा गर्नका लागि सिफारिस गरेको हो।
जसअनुसार एसएसपी डा. दामोदर पौडेल, डा. मनोज कुमार यादव र डा. संजिता दाहाल (घिमिरे) डीआईजी बढुवाका लागि सिफारिसमा परेका छन।
नेपाल प्रहरीमा प्राविधिक प्रहरी समूह, स्वास्थ्य उपसमुह चिकित्सकतर्फ रिक्त प्रहरी नायब महानिरीक्षक पद संख्या ३ मा बढुवा गर्न आइतबार बसेको बढुवा समितिको बैठकको निर्णय अनुसार प्रहरी वरिष्ठ उपरीक्षकहरुलाई सोही समूह तर्फको प्रहरी नायब महानिरीक्षक पदमा बढुवाका लागि सिफारिस गरेको बढुवा सिफारिस समितिको सचिवालयले प्रकाशित गरेको सुचीमा उल्लेख छ।
