काठमाडौं। नेपाली बजारमा आज बिहीबार सुनको मूल्य ह्वातै घटेको छ।
नेपाल सुनचाँदी व्यवसायी महासंघका अनुसार आज छापावाला सुन प्रतितोला ४ हजार रुपैयाँले घटेको छ। मूल्य घट्दा छापावाल सुन प्रतितोला १ लाख ६४ हजार ५ सयमा कारोबार भइरहेको छ।
हिजो बुधबार छापावाल सुन प्रतितोला १ लाख ६८ हजार ५ सय रूपैयाँमा कारोबार भएको थियो।
यसैगरी आज चाँदीको मूल्य पनि घटेको छ। हिजो प्रतितोला २ हजार १५ रूपैयाँमा कारोबार भएको चाँदी आज प्रतितोला १ हजार ९६० रूपैयाँमा कारोबार भइरहेको महासंघले जनाएको छ।
