काठमाडौ। गत असोज १०,११ र १२ गते आएको अविरल वर्षापछि ठाउँठाउँमा अबरुद्ध बनेको वीपी राजमार्ग फेरि बन्द भएको छ।
जिल्ला ट्राफिक प्रहरी कार्यालय काभ्रेले वीपी राजमार्ग हुँदै चल्ने सम्पूर्ण सवारी साधन पुर्ण रुपमा बन्द भएको जनाएको छ।
काभ्रेको रोशी गाउँपालिका ११ पिप्ले र माम्तीको बिचमा गत असोजमा आएको बाढीले कटान गरेको सडकको विकल्पमा बनाइएको डाइभर्सनमा आज सोमबार आएको वर्षाले क्षति पुऱ्याएपछि राजमार्ग अबरुद्ध बनेको ट्राफिक प्रहरीले जनाएको हो।
सडक अवरुद्ध भएपछि वीपी राजमार्गमा सवारी साधन रोकिएका छन भने तिहार मानेर पुर्वी नेपालबाट काठमाडौं फर्कदै गरेका धेरै यात्रु बिचबाटोमा नै रोकिएका छन।
डाइभर्सन भत्काएपछि राजमार्ग हुँदै यात्रा गर्ने सवारी साधनका चालकलाई सडकको अवस्थाबारे जानकारी लिएर मात्र यात्रा गर्न काठमाडौँ उपत्यका ट्राफिक प्रहरी कार्यालयलेसमेत अनुरोध गरेको छ।
