काठमाडौं। साफ महिला च्याम्पियनसीपको उपविजेता बनेको नेपाली टोलीलाई काठमाडौं महानगरपालिकाले २५ लाख नगद सहित सम्मान गरेको छ।
महानगरपालिकाका प्रमुख बालेन्द्र साहर उपप्रमुख सुनिता डंगोलले बुधबारको खेल समापनपछि उपविजेता बनेको नेपाली टोलीलाई सम्मान स्वरुप २५ लाख रकम हस्तान्तरण गरेका हुन।
बुधबार भएको खेलमा नेपाल बंगलादेशसँग २-१ को अन्तरमा पराजित बन्दै उपविजेता बनेको थियो।
`देशलाई जोड्ने खेलाडीहरुलाई हार्दिक हार्दिक बधाइ। सधै देशलाई यसरीनै मायाले समात्नु होला।
नेता र राजनितीले टुक्राएको देशलाई सधै यसरीनै जोड्ने काम गरि राख्नु होला।´
सो रकम हस्तान्तरणपछि काठमाडौं महानगर प्रमुख साहले सामाजिक संजाल फेसबुकमा लेखेका छन।
