बागमती। ट्राफिक प्रहरीले बागमती प्रदेशमा आर्थिक वर्ष २०८१/०८२ सुरु भएयता तीन महिनामा सवारी दुर्घटनामा परेर ६० जनाको मृत्यु भएको बताएको छ।
चितवनस्थित नेपाल प्रहरी राजमार्ग सुरक्षा तथा ट्राफिक व्यवस्थापन कार्यालयले चालू आर्थिक वर्षको सुरुको तीन महिनामा १० जिल्लामा भएका ३९७ वटा सवारी दुर्घटनामा परेर ६० जनाको मृत्यु भएको जनाएको हो।
उक्त तीन महिनामा ३५ हजार ८५ सवारीसाधनका चालकबाट २ करोड ७९ लाख ४१ हजार राजस्व सङ्कलन भएको कार्यालयले जनाएको छ।
पूर्वपश्चिम राजमार्गमा जडान गरिएको सिसीटिभी र राडरगनबाट सवारीसाधनको गति निगरानी गरिरहेको ट्राफिक प्रहरीले गत साउनदेखि असोजसम्ममा उक्त रकम सङ्कलन गरेको कार्यालयले जनाएको छ।
