काठमाडौँ। काठमाडौँको कमलपोखरी छठ पुजाका लागि तयार भएको छ। काठमाडौँ महानगरपालिका वडा नं. १ ले अग्रवाल भवनसँग सहकार्य गर्दै ब्रतालुहरुका लागि बस्ने स्थानको व्यवस्था गरेको हो।
सरसफाइ, बत्तीको व्यवस्थापन, घाट व्यवस्थापन लगायत काम तयारी अवस्थामा रहेको वडाध्यक्ष भरतलाल श्रेष्ठले जानकारी दिए।
‘कमलपोखरी छठ पर्वको पर्याय जस्तै बनेको छ। ब्रतालुहरुलाई यो स्थान निःशुल्क उपलब्ध गराउने गरिएको छ। श्रद्धालुहरुको चाप छ। सकेसम्म आउने जत्तिलाई व्यवस्थापन गर्ने प्रयत्न गर्नेछौँ।’ श्रेष्ठले भने।
कमलपोखरीमा छठ पर्वको तयारीका लागि वडाले विगत वर्षदेखि नै काम गरिरहेको छ। त्यसलाई यस वर्ष पनि निरन्तरता दिएका छौँ। वडासचिव सर्वज्ञराज पौडेलले तयारीका विषयमा जानकारी दिँदै भने, ‘पर्व सुरु हुनुअघि नै सरसफाइ गरेका छौँ पर्वका समयमा सुन्दरता र सुरक्षामा विशेष ध्यान दिएका छौँ। ब्रत सकिएपछि विशेष सरसफाइ गर्नेछौँ।’ पौडेलले जानकारी दिंंदइ भने।
अग्रवाल भवनका प्रतिनिधि गजेन्द्र झाले, कमलपोखरीमा अहिलेको क्षमता ५ सय जना ब्रतालुको भए पनि स्थान ६ सय जनाका लागि स्थान व्यवस्थापनमा काम गरिरहेको बताए
काठमाडौँ महानगरपालिकाले विगतका वर्षदेखि कमलपोखरी, गौरीघाट, बोक्सीदह, बागमती दोभान, टङ्केश्वर, बल्खुस्थित कुमारी क्लब क्षेत्र, कुलेश्वर भलिबल ग्राउन्ड र रामघाट लगायत स्थानलाई छठ पूजाका प्रमुख स्थलका रूपमा व्यवस्थापन गर्दै आएको छ।
बालाजु बाइसधारा र वंशीघाटलगायत स्थानमा पनि पर्वका अवसरमा घाट निर्माण तथा व्यवस्थापन गरिँदै आएको छ।
महानगर प्रहरी बलका प्रमुख विष्णुप्रसाद जोशीले भ्ने, ‘ब्रतका दिन लाइन व्यवस्थापन गर्ने, बिरामी र अशसक्तका लागि सम्भावित आकस्मिक सेवा र व्यवस्थापनको काम गर्ने जस्ता कामका लागि हामी तयार छौँ। यसका लागि प्रहरी बल परिचालित हुनेछ।’
